Waqf ka Bayan

٭٭٭٭٭

وقف کا بیان:

وقف اور سکتہ میں فرق:

سکتہ:  سانس کو توڑے بغیر صرف آواز کو روک کر ٹھہرنا۔

مثال: كَلَّا بَلْ ۜ رَانَ عَلٰى قُلُوْبِـهِـمْ مَّا كَانُـوْا يَكْسِبُوْن (سورۃ المطففین – 14 )

وقف:

لغوی معنی: "رکنا، ٹھہرنا"۔

اصطلاحی معنی: سانس اور آواز کو روک کر ٹھہرنا۔

اقسام: وقف کی پانچ اقسام ہیں۔

1۔  وقف بالسکون۔                                                    2۔ وقف بالاسکان۔                                                   3۔  وقف بالابدال۔                   

4۔ وقف بالاشمام۔                                                      5۔ وقف بالروم۔

1۔  وقف بالسکون: کلمے کا آخری حرف پہلے سے ساکن ہو تو وہاں پرسانس اور آواز کو روک کر ٹھہرنا۔

مثالیں: فَاعْتَـرَفُوْا بِذَنْبِهِـمْ ، كَفَرُوْا ،  مَآؤُكُمْ۔

2۔ وقف بالاسکان: کلمے کا آخری حرف متحرک ہو تو اسے ساکن کر کے وہاں پرسانس اور آواز کو روک کر ٹھہرنا۔ وقف بالاسکان"  فتحہ، کسرہ، ضمہ، کسرتین اور ضمتین "پر ہوتا ہے۔

مثالیں: مِنْ تَفَاوُتٍ کو  مِنْ تَفَاوُتْ،  وَّهُوَ حَسِيْرٌ کو وَّهُوَ حَسِيْرْ۔ رُجُوْمًا لِّلشَّيَاطِيْنِ کو رُجُوْمًا لِّلشَّيَاطِيْنْ۔

3۔  وقف بالابدال: وقف بالابدال کی دو صورتیں ہیں۔

١۔  کلمے کے آخری حرف پر "تائے مدورہ"( ۃ ) ہو تو اسے ہائے ساکنہ  ( ہ  )سے بدل کے وہاں پرسانس اور آواز کو روک کر ٹھہرنا۔

مثالیں:  وَالْاَفْئِدَةَ کو  وَالْاَفْئِدَہْ ، زُلْفَةً کو زُلْفَہْ۔

٢۔   کلمے کے آخری حرف پر" فتحتین "( دو زبر)  ہوں تو اسے ایک الف سے بدل کر وہاں پرسانس اور آواز کو روک کر ٹھہرنا۔

مثالیں:  عَمَلًا کو عَمَلَا  ، طِبَاقًا کو طِبَاقَا۔

4۔ وقف بالاشمام: کلمے کے آخری حرف پر "ضمہ  یا  ضمتین" ہوں تو  اس حرف کو ساکن کر کے  ہونٹوں سے ضمہ کی طرف اشارہ کرنا۔

مثالیں:  بَصِيْرٌ، تَمُوْرُ۔

5۔ وقف بالروم: کلمے کے آخری حرف پر اگر"  کسرہ  یا  ضمہ " ہو تو وقف کرتے ہوئے اسے آہستہ آواز سے پڑھنا کہ صرف قریب والا سن سکے۔

مثالیں:  بِمَآءٍ مَّعِيْنٍ، نَذِيْرٌ مُّبِيْنٌ ۔